Jeppar og strípihneigð.

Ég ek um á Vespu. Þess vegna geta menn og konur með heví issjú ekki látið það vera að reyna að hnýta í mig, enda skortir þessi grey sjálfsöryggið (eða hrokann) til að vera svona nakinn. Vespuakstur er ekkert annað en blússandi natúralismi, vespan eins og klæðlítil lendaskýla við hliðina á þeim Viktoríukjólum og korselettum sem þessir stirðbusalegu jeppar eru. Undanfarna daga hefur hið skítlega innra með mér haft ástæðu til að gleðjast, sjálfur andskotinn sem það hlakkar í mér og ég á eftir að brenna í helvíti fyrir það. Múgmenni þau sem mest hafa þanið sig fá nú illilega að kenna á karmanu, stjórnlaust olíuverðsbálið er farið að svíða á þeim stélfjaðrirnar, sem flestar eru í erlendri mynt. Nú hjóla ég um göturnar öskrandi af hlátri og finn hornin vaxa á enninu, við hverja olíuverðshækkun. Sjálfsagt á ég eftir aka í veg fyrir pallbíl í einhverju hláturskastinu fá þannig að bragða á karmanu.  Mæli annars með því að þið eyðið minna bensín og fáið ykkur vespu eins og ég. Þeir sem eru með umhverfið á sálinni geta svo látið rigna almennilega upp í nefið á sér þegar þeir eru komnir á þessi undratæki.

www.vespur.is  

Eldsneyti hækkar um 6-7 krónur

Athugasemdir

[kristinn (IP-tala skráð) 10.6.2008 kl. 08:20]

Og hvað eiðir nú Vespan þín á hundraði. Ég hef átt 50cc vespu sem fór með 4 lítra á hundraði og þykir mér það nú helst til mikið fyrir einn farþega.

[Bragi Þór Valsson (IP-tala skráð) 10.6.2008 kl. 18:09]

Kristinn - fáðu þér þá bara rafmagnsvespu. Eyðir ekki dropa af bensíni! Hér er hægt að skoða upplýsingar um slíkar: www.perlukafarinn.is/urbanmover